最近一份由EuroNCAP所做嘅撞擊測試報告中，最為香港車迷所熟悉嘅本田CR-V及新版RangeRover，對乘客嘅保護程度同時獲得四星評級（滿分為五粒星）。報告指出本田CR-V當正面撞向障礙物時（附圖），安全氣袋能及時彈出，可有效保護駕駛者及前座乘客；但可惜車內表板有可能於撞擊後向後移，或會令前排乘客及駕駛者腿部，受到不必要嘅傷害。
至於新版RangeRover，除車內安全氣袋能有效保護乘客嘅安全外，堅固車體設計及於意外後容易開啟嘅車門，都能為其增添不少分數；但報告亦指出當撞擊後，駕駛者胸部所受嘅壓力較乘客為大，可能因而造成不必要嘅傷害。至於對行人嘅保護程度，本田CR-V所獲得嘅評價更達三星級（滿分為四粒星），遠較其他用作測試嘅同類車款為高，從而可見本田喺設計汽車時係幾注重安全呢。