今時唔同往日，以前NikeLeague啲球員又保守又被動，尤其係後備球員。每當上場嘅時候，一接到波，縱使有射波機會，往往把個波傳畀啲主力球員，咁樣會浪費咗好多入球嘅機會。但今時今日嘅「league仔」就唔同；主動之餘，又勇於嘗試，要繼續保持住呢種心態呀!
以我所知NikeLeague係現時香港青少年賽中，唯一一個打足四節、重會停表嘅比賽。記得以前嗰幾年，比賽只係打兩節，每節二十分鐘；所以會打得比較吃力。𠵱家打四節，球員可以利用節與節之間嘅時間回吓氣，休息一吓；而教練亦可以趁機指點一吓球員，無論整體上、戰術上嘅部署都可以多元化啲。諗諗下，當年我打嘅比賽如果改用咗四節，可能所有戰果都會唔同晒，而MVP亦未必係我。
文：潘志豪（甲一組新青聯後衞）