闊佬近年喜歡搞傳媒，楊受成成為雜誌大亨，何柱國做報紙愈做愈有癮，李嘉誠又銳意進軍電視界。不過鄭裕彤就只係鍾意睇報紙雜誌，冇興趣自己搞。
話說有兩本雜誌，就係早前易主嘅《東周》同《東地》，原來都有人問過彤叔有冇興趣玩埋一份。
呢類小生意，對佢當然係好濕碎，輸贏冇所謂；不過佢話同劉鑾雄係朋友，所以婉拒咗；佢重話𠵱家冇嘢搞鬼咁得閒，如果英國嘅物業平，都會諗吓，但酒店就太貴，唔會買住。
八方噚日寫彤叔認購咗六千萬股中銀，坐咗艇，其實係六千萬美元嘅中銀至真，所以並唔係輸咁多。
彤叔提起呢件事，就話呢啲小錯誤，佢一啲都唔介意；何況中銀股價噚日已經升番。
傳真︰2623-9278
電郵︰