八方之前同大家預告過，無綫全新飲食節目《日日有食神》下個星期一就會同大家見面，噚日元朗大榮華熱鬧非常，有食神、有靚女、重有學者。皆因節目主持人男女食神：韜哥同黃囗如、港姐楊思琦、鍾沛枝、藝員袁彩雲、汪琳都出席，連同嶺南大學校長陳坤耀齊享美食。
第一次處男下海做主持，韜哥壓力當然唔細，有時重緊張到頻頻NG，「拍拍吓成個人拍到懵晒」。另一位女食神鄧鏡波外孫女黃囗如，則不愧係名門之後，第一次上鏡完全唔緊張，不過佢嘅工作就比韜哥輕鬆好多，每集只需拍幾分鐘就搞掂。
講返韜哥真係陰功，原來二十日拍攝期日日朝六晚一，瞓得幾個鐘又要接住拍。不過咁落力真係搵到好多刁鑽美食，例如香蕉大家見得多，「蕉蕾」點樣又見過未？可以點食又知唔知？總之包你大開眼界。而且節目中肥嘟嘟嘅韜哥配上一班青春靚女，除咗美食吸引，效果重非常搞笑，常有蝦碌鏡頭。
（圖）韜哥同黃囗如（中）、藝員汪琳齊享美食。
傳真︰2623-9278
電郵︰