杜雯惠唔信陳錦鴻去夜總會

杜雯惠唔信陳錦鴻去夜總會

陳錦鴻女友杜雯惠昨日現身尖沙嘴鷹君酒店。昨日有雜誌訪問一名新花城夜總會公關小姐,直指陳錦鴻陪陳小春一齊光顧夜總會,陳錦鴻還經常對舞小姐毛手毛腳,表現非常鹹濕。

「冇相點信?」
杜雯惠表示自己對男友百分百信任,她說:「以我識嘅陳錦鴻,係一個好怕男女關係嘅人。當日佢有同我講,係同個妹去食飯,佢冇理由會同個妹一齊去夜總會,而且又冇相,我點信?我冇理由信本周刊,都唔信自己男朋友。」問杜雯惠有否因此而生氣,她說:「又唔係真,有乜好嬲?今時今日我都重係同佢一齊,即係佢冇去(夜總會)啦,如果有,我都唔同佢一齊啦!」
採訪:王崇穎