剛升任民政事務局常任秘書長嘅契媽李麗娟（圖右），直言呢排好鬼忙，特別係內部統籌工作，真係唔敢話放假。契媽笑謂，往年八月都會同王䓪鳴齊齊去加拿大溫哥華北部釣魚，睇怕今年都無法成行。
能夠咁寫意享受生活嘅，原來重有煲呔曾，契媽話噚日同煲呔曾傾偈，原來佢都曾經喺加拿大坐小型飛機，去一啲好遠嘅地方釣魚。
講開煲呔曾，噚日佢同區議會主席團食飯，林貝聿嘉就建議，希望日後行政會議可以加入區議會嘅代表，咁樣政府就能夠直接了解民意。煲呔曾反應都好快，佢話𠵱家行會都有地區代表，皆因田北俊除咗立法會議員外，重係中西區區議員哩！
傳真︰2623-9278
電郵︰