喺大陸想玩得特別玩得激，就要睇小記今日介紹嘅新玩意，去距離香港4個鐘頭車程嘅河源桂山森林公園風景區，當中有長達一千米嘅清溪，除了讓你在溪流中勁玩滑梯之外，更可一展身手在激流中攀繩網，感受一下與大自然搏鬥嘅快感！
記者：劉耀 攝影：CarlZeiss Model：Carrie
桂山森林風景區距離河源市約半小時車程，區內以風景如畫著名，且有一條長達千米的石峽清溪，從山上而下，全是利用山中的自然溪水引導而成，一般泳池水無可比擬，沿途更有湍急的激流，亦有平靜的湖面風光，𠵱家就即刻帶大家數數幾個必玩點！
位於起點的快樂谷，將大自然的溪水引導至竹管中，數以百計的高壓水柱便從三面環繞的竹管中射出。大家更可走到水柱當中，任水射擊，有按摩作用，可將身體疲累一掃而空。而配合那裏播放的強勁音樂，也可在當中熱舞一番。由於整個樹林都煙雨濛濛，猶如天然冷氣機，讓人有涼快清爽的感覺。據稱高壓水中的水霧帶有負離子，置身其中可以令人精神一振，長時間就更可延年益壽！
石峽清溪由九缸十八潭所組成，而且由山頂開始直至山腳，但並非可以像激流般由頭衝到落尾，全條清溪設有四條滑梯，其中一條更長達百米。當大家由滑梯高速衝入潭中，感覺要比在水上樂園來得刺激又暢快，加上四周樹木參天，認真爽！
清溪中也有不少小型瀑布，雖則係小型，但都有一層樓的高度，而大家亦可挑戰自己，在瀑布中爬繩網，逆流而上。全程共有3個繩網位，大家可按自己的體力選擇水流較急或較慢的瀑布。不過若然認為自己體力及膽識過人，更可以捨繩網不用，單獨用條繩爬上去，不過溪中石頭滑潺潺，難度頗高，自問應付得來才好試。
普通滑梯大家就玩得多，不過清溪內除了有膠造的滑梯外，還有「石梯」，不過大家唔好以為石頭表面粗糙兼凹凸不平，滑落去就會被石頭整親；事關石頭表面經過打磨，非常平滑，再加上有水流作輔助衝力，絕對可以讓大家平平安安滑落去。而且潭中深度只有1.5米，就算大人小童都玩得。
玩完一大輪當然要醫吓個肚，不過唔好以為深山野嶺就冇啖好食，皆因桂山森林風景區最近進行擴充，區內有不少新設施或進行翻新，例如新建的餐廳就剛剛完成，充滿日式風味，位置就喺正賓館對面，相當就腳。不過餐廳現時只在飯市時間開放，要搵食就要睇住時間啦。
查詢：(762)8771022
雖然桂山森林風景區位處深山，不過大家亦可以租番間房瞓番晚，慢慢欣賞湖光山色。
收費：
普通房?200
豪華兩房一廳約?800
總統套房?3,800
查詢：(762)8771073
地址：河源新豐江國家森林公園
電話：(762)8771088
時間：早上8時至下午6時
交通：由香港乘直通巴士到河源市，車費$160，車程約4小時，再轉乘的士，約60，需時約半小時