房屋局將會同房屋署合併，到時房屋及規劃地政局局長孫明揚將成為房委會主席，噚日孫公首次出席房委會大會會議，向現任主席鄭漢鈞取經。鄭漢鈞雖然未退位，但噚日已不停同各政府官員、房委會委員致意，房屋署署長梁展文發言時，又感謝鄭漢鈞對房委會嘅貢獻，搞到大家都以為係告別大會。
另一個新丁，係首次出席房委會大會的財經事務及庫務局局長馬時亨，鄭漢鈞介紹馬局長時，他輕輕欠身嘅禮貌表現，博到不少好感，而作為庫務局前局長嘅俞宗怡，經常缺席房委會會議，甚至試過全年出席率「食光蛋」紀錄，希望馬局長唔會食呢隻「光蛋」就好啦。
傳真︰2623-9278
電郵︰