大會噚日為咗切合「加拿大飛人」卡達嚟到香港，特別搞咗個花式走籃大賽，本來唔想悶親啲觀眾都係好事，不過大部份參加者都係失手而回，好多重凌空轉幾個圈之後，射到個波都唔知飛去邊，我Dr.Fun唔係想潑班年輕人冷水，不過下次就最好量力而為，又或者做好啲準備功夫，起碼都要苦練一排，見得吓人先好參賽，搞到𠵱家喺NBA球星面前失手，你話幾無癮呢！