踏入炎夏，各家店舖紛紛減價促銷，特賣場成行成市，但抵唔抵買相信各位心裏有數！今次介紹嘅OFFSPIN特賣場，場內有過百款適合炎夏穿着嘅鞋款任揀，當中以設計新穎嘅木屐最抵掃，而今季依然大熱嘅Birkenstock拖鞋亦是必掃貨品，以超筍價錢買到歐洲靚鞋，各位女士又豈能錯過！
記者：區佩嫦
攝影：陳偉強
Model：TeddyCheng（CoolFactory）
講到場內嘅靚款木屐，小記一定推介這款Trippen人字拖款的木屐，鞋面以馬尾毛配上人造皮，質料舒服，一深一淺的顏色夠晒搶眼，除咗粉紅色配啡色外，另有灰色配藍色及深藍色配粉藍色等，顏色選擇夠晒多。
尺碼：35至37號
貨量：約100對
原價：$750
特賣價：$290
想女性化一點，小記推介Roadhogs這款以織帶網布製成的木屐，織布顏色夠晒Sharp，除了有黃色外，還有啡紅色，最搞鬼是布邊綑上立體花邊，令整對鞋變得更繽紛、更搶眼。
尺碼：35至38號
貨量：約100對
原價：$550
特賣價：$99
想平實啲，不如選擇同樣為Roadhogs的夾腳趾木屐，鞋面以沉色的麖皮再配上綠葉圖案作點綴，設計簡單，着上腳舒服又襟睇，備有橙色、啡色兩款任你選擇。
尺碼：35至38號
貨量：約60對
原價：$550
特賣價：$99
牛仔布衣飾絕對是長興款式，呢對以牛仔布為賣點的Roadhogs木屐，款式耐看，襯牛仔裙或牛仔褲夠晒一絕！不過小記最欣賞是鞋面上一深一淺的對比色配搭，再配上長形木鈕作點綴，帶點粗獷的感覺。
尺碼：35至38號
貨量：約50對
原價：$550
特賣價：$99
大熱靚拖
今季大熱、閒閒哋都要五百多元先買到嘅Birkenstock，今次喺場內竟然見到佢嘅影蹤，好似呢款雙扣拖鞋鞋款，着上腳非常舒服，而且款式襟興，鞋面以麖皮製成，耐磨襟着，𠵱家只需$290，絕對是全場的焦點，不過貨量唔算多，想買真係要行快步。
尺碼：35至38號
貨量：約50對
原價：$590
特賣價：$290
平日要以極女性化的裝扮返工？唔怕！呢對BisouBisou的拖鞋就啱晒你，鞋面以兩條珠織帶製成，而白、粉紫、粉綠的顏色珠仔夠晒搶鏡，平日返工或者飲宴時穿着都唔失禮。
尺碼：35至39號
貨量：約50對
原價：$390
特賣價：$190
鍾意花卉圖案的你，相信這對BisouBisou的拖鞋絕對是你的不二之選，全對鞋用上杏色的麖皮製成，質地舒服唔在講，最特別是鞋面上印有盛開的牽牛花圖案，搶眼之餘亦較其他鞋款特別。
尺碼：35至39號
貨量：約120對
原價：$490
特賣價：$190
若你是好色一族，喜歡選擇顏色夠搶的鞋款，不如選擇這款RAS的拖鞋。這拖鞋全對用質地柔軟的布製成，而鞋底則選用麻繩綑成，不過小記最欣賞是鞋面的繡花圖案，顏色夠搶，設計又夠特別，是小記的誠意推介。
尺碼：35至39號
貨量：約200對
原價：$650
特賣價：$250
其他選擇
鍾情少女味的衣飾，這對RAS的平底鞋就啱晒你，全對鞋用人造皮製成，質料極為舒服，而鞋身更有三角形的通窿點綴，加上鮮豔的桃紅色，更顯青春活潑，各少女見到又點忍手唔買呢？
尺碼：36至39號
貨量：約80對
原價：$590
特賣價：$250
今季布鞋大行其道，鞋櫃入面點可以無對布鞋襯吓衫呢？呢對ELLE的麖皮布鞋，尖頭設計極具潮流氣息，而鞋身有紅邊及蝴蝶結作點綴，令鞋身更顯活潑感覺，絕對是愛靚一族的必然選擇。
尺碼：35至39號
貨量：約250對
原價：$450
特賣價：$190
店舖資料
OFFSPIN
特賣日期：即日起至8月4日
營業時間：11:00am-10:00pm
地址：九龍塘又一城LG211號舖
查詢電話：24221268
＊只收現金，購物滿$300或以上可以信用卡或易辦事付款。