卡達認為自己係現今NBA中第五位最出色嘅球員，喺奧尼爾、拜恩、艾華遜及麥基迪四位巨星之後，唔知本港嘅NBA迷同甲一組籃球球員又對卡達嘅自我評價有乜嘢意見呢？
「卡達喺我心目中直頭係NO1，佢彈力好，做到好多其他人做唔到嘅超難動作，好有娛樂性。
「卡達同其他四個球星位置不同，好難比較，不過佢係兩次明星賽票王，受歡迎程度肯定第一。」
「呢個排名都差唔多，不過傑特應該高過佢，如果卡達擺脫傷患，一定可以排更高。」
「第五就偏高，十名之內就差不多，卡達始終冇為球隊起死回生嘅能力。」
「我覺得卡達不值五名之內，好似傑特、鄧肯等都好過佢啦。」