廖碧兒出眾的舞技原來不止於表演自娛，而且更資深到足以開班授徒。廖碧兒雖然曾為跳舞被踢至內傷留醫三個月，但她希望將來能像王仁曼般開跳舞學校，學以致用。
華裔小姐冠軍出身的廖碧兒，不時會在無綫的大型節目中獻舞，但她在舞蹈方面的造詣，原來不止於表演自娛。
自八、九歲便開始習舞的她，經過十多年來的艱苦訓練和學習，已經成功取得芭蕾舞、踢躂舞和爵士舞的教師資格，隨時可以開班授徒，真的不簡單。
廖碧兒現時雖已簽約為無綫藝員，但她希望將來有一天，能像香港著名舞蹈家王仁曼一樣，開設舞蹈學校授徒，實行學以致用。
廖碧兒日前在紅磡博藝會練舞時，自揭當年為跳舞而犧牲了她的童年生活。廖碧兒說：「當時我唔明點解個個小朋友可以出去玩，但我就成日喺度跳舞，就算中學畢業旅行，我都因為跳舞而冇機會去。」
廖碧兒續說：「不過，睇見自己𠵱家喺跳舞方面嘅成績，我又覺得當年犧牲都係值得，因為如果當年我唔係咁畀心機同時間去練，根本做唔到𠵱家咁嘅成績。」
問廖碧兒多年習舞的生涯中，最刻骨的往事是甚麼時，廖碧兒說：「我十四歲嗰年去做一個慈善show，企喺我後面嗰個人，唔覺意踢中我條腰，當時我覺得冇乜嘢事，咪繼續表演囉，點知返到屋企之後第二日，竟然完全起唔到身，郁都郁唔到，送去醫院先知原來被人踢到內傷，喺醫院足足瞓咗三個月。」
採訪：戴彩煥 攝影：仇志德
場地提供：博藝會