中國解放軍今年慶祝建軍七十五周年，破天荒畀外面嘅傳媒採訪拍攝，八方無機會親自去睇睇，不過好彩香港嘅電視台都搏晒老命，有線電視重去埋北京、大連、石家莊等地，採訪國防大學、陸軍學院、海軍艦艇學院等單位，都算厲害。
八方問有線新聞台阿頭趙應春乜咁威，因為事關國防機密，原來Cable今年初去信解放軍，講出有此構想，點知對方反應甚佳，而且非常開放，佢哋拍「鄭和號」時，海軍竟專程將艦隻由青島開至大連，真係好畀面。
阿春話，採訪隊上周六先至返到香港，馬上剪輯出街，軍方冇特別要求，都算好信得過香港傳媒。聽講啲後生軍人都好想到外面睇睇，所以連美國民歌《Countryroad》都識唱。
傳真︰2623-9278
電郵︰