位於屯門小欖嘅屯門賽車場，今個暑假為咗推廣小型賽車呢項活動，特別推出多個適合年齡介乎六至十七歲嘅小童及青少年訓練班。
呢項整個課程歷時兩個鐘嘅訓練，內容包括一個鐘頭理論及一個鐘頭實習。而車場會提供每人一架兒童高卡車、頭盔、頭套、手套、護肋衞衣等設備，只要有興趣人士事前報定名，最緊要就係帶埋四百五十蚊學費，普普通通着件Ｔ恤、波鞋、牛仔褲，就可以試到「車神」舒密加童年時玩小型賽車嘅滋味。如果想着埋真正車手LOOK嘅蛤乸衣，都只係多三十蚊。
重有，𠵱家屯門賽車場向各位報讀課程嘅朋友提供優惠，所有學員都可豁免二百蚊嘅首年會費，自動成為屯門賽車場會員享盡一切優惠。