腕表品牌TechnoMarine近年走勢強勁，四月於鐘表界盛事BasilFair展示的全新系列將於下月抵港，TechnoMarine亞洲區總裁胡敏珊日前和愛犬親自演繹新表，盡顯形格與美態。
人氣腕表品牌TechnoMarine首創膠表鑲鑽腕表，推出後哄動一時。今年四月鐘表界盛事BasilFair中，TechnoMarine展示全新Wave、Butterfly等系列，同樣備受注目。TechnoMarine亞洲區總裁胡敏珊（Christie）早前為下月推出的這個新collections拍攝全新一輯宣傳照，自己做生招牌。
其中Christie佩戴今季主打精選XSMagnum時，更出動可愛的大肚史納莎狗女幫手拍照。Christie說：「其實好好笑，唔係我哋揀表，係隻狗揀。因為我鍾意養寵物，覺得同佢哋一齊係好生活化、好closetoyourlifestyle嘅事，所以就諗住抱住狗仔影相。」
Christie續說：「影相前我都未揀定襯邊款表，不過當我戴起隻XSMagnum時，隻狗仔就好奇怪咁即刻走埋嚟錫我，好似對呢隻表好有好感咁。」
談及表經，寵愛動物的Christie表示一隻表面圓滑、精鋼襟「抓」的大表面是愛狗人士的精選。而TechnoMarine秋冬系列另一主打，則是價值最高、表面鑲了二百多粒鑽石、售價逾十萬元的Diva系列，Christie說：「今年初推出時因為喺美國好好賣，香港配額只係得十隻，今季好難先爭取到多幾個顏色嘅貨。」此外，外形極具流線型的Wave鑽表，表面鑲了多達七百二十四顆鑽石，價值不菲，但未有定價。
髮型：O4
服裝：JoyceBoutique