章小蕙（Teresa）日前曾公開指前夫鍾鎮濤（阿B）有不良嗜好，昨日有報道謂阿B離婚前經常相約好友返家「開餐」。Teresa昨日說：「接受唔到荒淫嘅生活，我每一刻都好清楚做人嘅方向，我認為快樂嘅事先做。」
Teresa表示子女每周都會到阿B家，她說：「工人同我講話佢啲不良嗜好一直持續，我做媽咪嘅又點會唔擔心影響仔女吖！」
一向被指「大花筒」的Teresa，被傳每季花六、七十萬元買衫，Teresa說：「當年我同阿B結婚，佢銀行戶口得六十萬同一啲帳單，之後佢接咗兩套戲，一部用嚟做層樓首期，另一部戲啲錢就辦婚禮。」
問Teresa可覺得阿B把一切責任推卸到她身上，她說：「佢攞晒公眾同情分，佢好識利用傳媒。我只想過自己生活，咁都唔放過我，話我應酬唔黐家，唔返屋企嗰個係佢。佢係個好絕嘅『女人』，我當年嫁錯咗個好絕嘅『女人』。」
此外，對於雜誌有關「開餐」的報道，阿B昨日表示不想再對任何報道或任何人的說話作回應。