Twins、謝霆鋒及陳奕迅將於日內推出六款Q版車仔，每輛售價約為四十元，其中Twins會推出印有肖像的校巴和開篷跑車，包裝卡上還印上她們穿水手服的Q版肖像。霆鋒則有Q版RX7跑車和貨車，絕對安全不會「炒」。
英皇旗下藝人謝霆鋒、陳奕迅（Eason）及Twins四位歌手，將於日內推出六款Q版車仔，每款售價約為四十元。
為霆鋒出產的Q版車仔分別是一款黑色RX7跑車及一款印有霆鋒彈結他肖像的貨車，代表Twins的則有一系列少女粉紅Q版車仔，包括「明愛暗戀補習社」校巴、開篷跑車和家庭車，至於Eason則有一款S2000白色跑車仔。
今次英皇四位歌星推出Q版車仔，主要是由無綫向英皇購下版權，再由無綫將版權售予代理商新華行，而代理商則交由日本大型玩具廠Takara生產這批「勁歌金曲──英皇之星系列」的玩具車仔，每款車仔的包裝卡並印有歌手肖像，而Twins其中一款造型更是水手校服look，十分可愛。
霆鋒之前頻頻遇車禍，未知代理商會否擔心霆鋒Q版車的銷路受影響？新華行股份有限公司發言人Martin對此說：「其實我哋喺三月左右已經計劃出呢批貨，我哋唔擔心會有影響，霆鋒啲fans實支持佢嘅。呢次我哋會每款車仔出幾千架，香港、台灣、日本同澳門都有得賣，而呢四位歌手嘅Q版車係第一炮，遲吓可能會出埋其他歌手嘅Q版車。」
採訪：朱芷瑩
攝影：陳偉權