成日話拯救「雙失」青年，行動最實際。噚晚工聯會同樂群合辦、馬會贊助的「飛躍計劃」，搞咗個名為「髮型化妝大滙演」嘅「揀蟀」大會，請來三十多位髮型和美容屋老闆到場。二十幾位學員大部份即場獲聘。有僱主話：「政府早就應該搞多啲呢類型活動啦！」
八方見到十八歲嘅阿豪和阿Ray，率先獲髮型屋東主Reman及其拍檔黃先生青睞。學員阿豪急不及待表示：「其實我都識洗頭！」黃先生好耐心解釋，理論同現實係兩回事，要一步步由低學起。好彩兩個後生仔好聽教聽話，重話幾多錢都唔緊要，最緊要學到嘢。兩個老闆同學員交談時，經濟發展及勞工局常任秘書長張建宗，在一旁好有興趣咁聽，重鼓勵兩個後生仔「一分耕耘一分收穫」。張建宗致辭時重搞笑，佢嘅頭髮雖然稀疏，但就唔怕尷尬，話早知有個咁嘅表演，上個星期就慳番唔剪頭髮，但大家都睇唔出佢有剪到髮。
（圖）學習髮型設計的飛躍學員滿意地展示自己精心作品，旋即全數獲僱主「認頭」。
傳真︰2623-9278
電郵︰