行政會議成員田北俊批評問責局長引起軒然大波，財經事務及庫務局局長馬時亨昨日在立法會財經事務委員會簡介上市架構新安排，亦被議員陳智思問到是否已經與田北俊溝通？肥仔馬話自己一向注重溝通，前日已率先向行會成員交代有關安排。
此時恰巧田少施施然步入會議廳，肥仔馬即時向田少揮手，並高聲表示：「田生，唔該你證實一下，我噚日同你溝通過。」田氏一時間不知所措，唔知肥仔馬講乜。肥仔馬就再複述問題，但這時委員會主席劉漢銓介入，話肥仔馬唔啱規矩。因為按議事規則官員要經主席先可以同議員互相溝通，肥仔馬惟有尷尬地講「對唔住」，田少則在座位上低聲證實曾與肥仔馬會面。
肥仔馬昨日在立法會表現已算唔錯，唔使再用貓紙。面對劉慧卿問佢同商界千絲萬縷的關係時，佢話自己只是打工仔，唔算商界。上次佢話上任後同舊老闆李澤楷有聯絡，都只是傾工作交接問題，之後已經冇講過電話。佢又用「間屋幾十年無執」來形容佢名下資產，為咗解決申報利益，佢已經特別成立信託基金處理，遲啲公布時大家就知。
傳真︰2623-9278
電郵︰