吳光正自從唔做醫管局，重任九龍倉主席後，八方早已料到佢有連串大計。結果前排佢老人家先話積極籌備，希望可公布季度業績，可見佢想提高公司的透明度。
昨日，九龍倉又公布委任三位重量級人馬做獨立非執行董事，佢哋就係嶺南大學校長陳坤耀、行政會議前成員錢果豐及英之傑太平洋前主席鄭明訓；而做咗教育統籌局局長的李國章則辭任。
經過今次委聘，九倉的十六位董事會成員內有八個獨立非執行董事，八方前日睇到有份證券報告分析香港大型洋行可能出現類似美國大企業會計醜聞的潛在危險，其中將九倉列為有風險的公司，八方相信今次吳老闆要努力顯出自己的企業管治水平屬高班馬，透明度相當高，否則也不會如此多的獨立非執行董事肯加盟。
八方又收到料，吳主席在即將發表的會德豐年報內也有新料，係將會德豐定位為投資公司，而非綜合企業，看來佢大展拳腳的日子快到了。
傳真︰2623-9278
電郵︰