荷李活巨星尊特拉華達昨日響香港開記招，有記者問到𠵱家香港經濟咁差，佢有啲乜嘢睇法。阿尊話佢同二十幾個親朋戚友，幾乎個個都大量購物，咁都算幫助香港經濟啩！
阿尊果然身體力行，晚上即刻同十幾人乘坐旅遊巴，由酒店去山頂嘅峰景餐廳食晚飯，食咗壽司、Pizza、三文魚同沙律。
但問佢埋單幾多，佢話唔係自己畀錢喎。期間阿尊表現友善，透過保安要求記者唔好用閃光燈，之後就任由拍照。阿尊十歲嘅仔Jett見到山頂水池時好鬼開心，更加赤腳走路，阿尊話：「我啲仔女好享受加州嘅自由，所以鍾意赤腳！」
（圖）阿尊拖着打赤腳的兒子任影唔嬲。
傳真︰2623-9278
電郵︰