蓮蓬喺夏天就較常見，主要嚟自泰國，售價都好穩定。一個蓮蓬有多種用途，蓮蓬表面一個個小波波嘅物體拆出，再搣去綠色衣，就係我哋常用嘅蓮子，可以煲糖水或煲湯；而剩低嘅蓮蓬殼唔好丟，只要洗乾淨即可以配冬瓜煲湯，大熱天時飲就最啱，消暑又清熱。蓮蓬造期短，前後只有兩個多月，想試試由蓮蓬拆出嘅鮮蓮子，就要趁手買啲嚟試試啦！
$5-$5.5個
部份菜檔有售
腸仔食用方便，只要用水加熱或放微波爐加熱就食得，腸仔可以話係唔少小朋友嘅恩物。如果食厭咗一般豬肉腸、芝士腸，呢款雞肉熱狗腸或者可以帶畀大家新感覺。
唔喜歡豬肉嘅，呢款以雞肉做成嘅熱狗腸更適合閣下，其肉質嫩滑，不肥不膩，加熱淨食之外，重可以夾麵包食用。
$22.9包
吉之島有售
文：肥師奶