𠵱家香港經濟差，我蘇民峰雖然托賴叫做有生意，但排隊搵我嘅人龍就由高峯期嘅三個月輪候期縮到得二十幾日，都咪話唔驚㗎。失業嘅人愈嚟愈多，今日我就教大家實用啲嘅搵工風水陣，正所謂「山窮水盡疑無路，柳暗花明又一村」，希望大家唔好放棄。
如果想搵文職嘅工，就要喺屋企嘅文昌位擺吓嘢，今年嘅文昌位喺間屋嘅西南位，可以喺西南位擺四支富貴竹或者四棵綠色嘅植物，如果係文職以外嘅工作，就要喺東南位擺八粒石頭，重有無論見乜嘢工，喺財位擺杯水先出去，咁見成嘅機會就會更加大，今年嘅財位喺屋企嘅西北位。（五之四）
口述：蘇民峰 筆錄：張止寒
攝影：馬啟然 住宅提供：黃卓玲