陳永棋雖然話過亞視管理層唔會有新聞，但近排就頻頻見報。好似佢噚日為亞視收視上升開記者會咁，記者問極都係股權問題，一個收視嘅問題都冇。難怪佢不停話自己講到口水都乾埋。
不過咁，當佢答咗兩個中文問題，強調管理層好掂之後，有英文台嘅記者問到類似問題時，佢就當堂住，要問旁邊嘅人，管理層嘅英文點講？八方原先並唔奇怪，因為好多時講嘢講到口唇邊都會唔記得，但搞笑嘅係陳永棋的解釋："MyEnglishisjustso-so"佢嘅意思係話自己嘅英文只夠用嚟交際。
其實之後陳永棋嘅英文都琅琅上口，佢嘅交際之言都係謙啫，至少佢冇用英文窒人，話："Mysalivahasdry!"（我口水都乾埋！）
傳真︰2623-9278
電郵︰