首屆教育家年獎得主趙鈞鴻博士，向來相信小朋友讀幼稚園唔應寫太多字，而係需要多啲啟發。佢噚日出席嶺大嘅記者會後透露，話早前搭的士時個司機同佢講，月入萬幾蚊，但自己只敢使二千幾，餘錢就留俾個仔讀國際學校幼稚園，因為嗰到先學到好英文喎。
趙博士當時掛住落車，無時間同佢講教育理念，譬如話小朋友讀幼稚園最好用中文，用英文學唔到嘢，第日大個就會冇心機讀書等等，結果後悔至今。「我應該畀多啲錢，叫佢兜下圈，同佢講多啲！」佢話好遺憾「救」唔到個司機個仔，因此連續兩晚瞓唔着，至今仍鬱鬱於心。
（圖）趙鈞鴻博士一直認為幼稚園學生不應寫太多字。 李家皓攝
傳真︰2623-9278
電郵︰