夏天食西瓜消暑又解渴，不過西瓜性質較涼，老人家或小朋友不宜進食過量。哈密瓜同樣係夏日至佳消暑水果，性質較溫和。比起西瓜，我認為老人家同埋小朋友更適合食哈密瓜。
今年哈密瓜亦比去年抵食，超市亦只係十幾蚊有一個，相當抵食。要知道哈密瓜靚唔靚，好簡單，至緊要留意瓜蒂要夠結實，瓜皮表面有明顯網紋就為之靚。
作為送酒小食，一般有花生、薯片、青豆、果仁等等，食嚟食去都有悶嘅一日，最近我從超市裏搵到一款好適合送酒食用嘅小食──鹹味枝豆，由日本進口，一包重400克。
佢唔單止好味，而且重好有益，枝豆蛋白質豐富，營養高，加上係鹽水調味，食多都唔會膩，只要用滾水烚熟就食得，送酒一流，啲日本人就好鍾意食，皆因佢比薯片有益得多，小朋友都啱食㗎！
文：肥師奶