莫文蔚前晚在理工大學舉行迷你演唱會，她的兩個造型包括學生妹和美少女戰士都露出內褲，莫文蔚稱此舉是刻意的，目的是給大家欣賞其千多元的靚內褲。而莫文蔚在表演得興起時，更走落觀眾席，在座椅背上跳來跳去，身手敏捷。
莫文蔚（Karen）前晚在紅磡理工大學賽馬會綜藝館舉行SummerMusicParty，莫文蔚打扮成學生妹，以孖辮、格仔裙、白襪仔造型亮相，另外一套粉紅色配白超短裙的裝束，則十足美少女戰士，在兩個造型中，莫文蔚都刻意露內褲。
Karen在演出期間唱到興起時，更走落觀眾席，在座椅背上跳來跳去，十分之high，當她發現梁詠琪（GiGi）坐在觀眾席，Karen立即跳過去和她擁抱。而除GiGi外，Karen的父母和哥哥亦有前來捧場。
Karen在台上頻頻露底，事後她在接受訪問時說：「條裙係短少少，得意得嚟都幾性感呀！」記者指她走光，她說：「係專登露畀你哋睇㗎！我條底褲有花邊，手工好靚，好貴㗎，成千蚊條㗎！」記者指她以學生打扮露底，似乎不太好，Karen說：「嗰套唔係校服，係似啫！我唔覺得咁樣係sex，係得意啫。」
問Karen為何男友馮德倫不到場，她說：「你問佢啦！今日係小型party啫，請嘉賓留番大型演唱會先啦，我冇通知佢，我今日都唔知GiGi嚟㗎！」問她可知日前馮德倫和舒淇趁她不在港時一起睇戲，Karen說：「佢冇通知我，我睇報紙先知，使乜知會啫！呢啲嘢好閒，唔使吓吓講嘅！」