雖然噚日好多二三線股仔跟隨大市一齊反彈，但相信好多投資者同小初一樣，個心都係怯怯地，有乜風吹草動就急急走人先算。民企先有格林柯爾（8056）爆煲，近有歐亞農業（932），最新都要算係創維數碼（751）。
噚日創維公布業績虧轉盈，賺成6224萬元，因有不利傳聞，隻股即刻被質，慘跌12.5%，收77仙。
經紀黃對此深感唔抵，佢話早排創維在大陸嘅競爭對手長虹電子，公布業績勁賺，A股股價勁升，佢已經覺得創維表現應該唔會差，所以儲咗少少貨，點知業績對辦，又偏偏整單不利傳聞出嚟。
經紀黃話，有樣嘢重激心，就係開頭佢係諗住另一間同類對手TCL國際（1070）股價升得多，先至轉吼創維，點之真係世事難料，創維業績好股價跌，而TCL則升8.3%，收2.275元，真係冇眼睇！
慕容小初