身為新一代歌手，何韻詩的裝扮服飾，都會成為年輕人的潮流指標。但阿詩自言潮流佢好少跟，啱自己才是最重要，就算愛儲愛買之心頭好，亦同樣出於適合自己，絕對唔會話係𠵱家興。擁有十多個結他，因為熱愛音樂先會儲；家中十多隻Swatch手表，皆因符合自己風格又襯到衫，並非為着有得炒。何韻詩話自己唔潮流，但有個人風格做番自己，正正就是現今的潮流，再做FashionVictim都好Out咯。
記者：梁珮瑜
攝影：陳盛臣
髮型：Wing（4Osmosis）
化妝：Erica
場地提供：HardRockCafe（23778118）
「我最啱簡單自然的衣着，T恤牛仔褲就最似自己。」自言不貪靚的何韻詩，甚至幾抗拒女性天生的瘋狂愛好—Shopping兼買衫。「怕買衫是因為自己幾難買到衫，太女性化我又唔得，自己又唔會跟潮流。所以亦無特別喜愛的牌子，款式簡單啱我性格就得。」幸好現在有設計師RubyLi「包起」阿詩，出席任何場合都有Ruby準備好衣衫兼做形象指導。「而我最欣賞是張曼玉的打扮，簡約自然，唔靠名牌都一樣有型。」
阿詩至今最喜愛自己的一個造型，並非出現在任何一個頒獎禮或表演場合，而是最新大碟《hocc2》的封套造型。「簡單的黑色衫，但有Detail又有形格，配合髮型同化妝，這個是出道至今我最喜愛的一個打扮造型。」
喜歡Swatch是因為佢有很多得意特別的款式，而部份又功能多夠實用。不過阿詩話自己現在經已轉移所有資金及時間到儲結他身上，所以家中十多隻Swatch，大多都是朋友或贊助送。「我的手較大，所以較為喜歡大表面及中性的手表。」而𠵱家佢就最喜歡鋼帶或鏈帶的手表。
由法國藝術家StephenDean為Swatch設計的限量系列，以調色碟為主題（Paintedtime），七彩繽紛好搶眼，阿詩就鍾意佢能帶來開心的感覺。每款賣$320。
VintageTee是很多年輕人的心頭好，何韻詩亦喜愛以古着T恤襯牛仔褲。而手戴的就是Swatch剛推出的瑞士27省系列。
名為FunnyDevil（趣怪魔鬼），黑色方形塑膠殼配深紅色表面，就算組成黑紅魔鬼顏色唔覺邪，實際上亦唔覺Funny但襯衫就幾型。售$370。
阿詩愛音樂，現在所珍藏的電子及木結他快到二十個，每次演出她更是自備私伙，而每個結她都珍而重之。音樂永遠都係潮流的一部份，很多年輕人都為了湊潮流，都學人夾Band玩音樂。阿詩亦鼓勵年輕人嘗試多接觸音樂，開頭以玩的心態亦無妨，因為要玩過先知自己鍾唔鍾意。但她建議入門開首可先學琴，因學琴比學結他較易入門，又能令你更易明白及掌握樂理。
平時唔化妝，護膚美容唔在行，何韻詩認為最重要的，就是要皮膚清潔。「我好懶護膚，最緊要就係塊面落妝及清洗夠乾淨，間中會在家中做Mask，很多牌子都有用過，近來就用Neutrogena。」而講到化妝，阿詩就謝絕美白，堅持要Tan又健康。「如果皮膚白加上化濃妝，我個樣會好惡㗎。所以都係TanSkin加自然化妝最好。化妝品用乜牌子？我有乜就用乜，都記唔起是甚麼牌子。」
售賣點：
Swatch（23763902）
尖沙嘴廣東道30號地下GC舖
RubyLi（28829309）
銅鑼灣名店廊F12B舖
SPY（23665866）
尖沙嘴利時商場406?07舖