夏天太陽猛烈，戴副太陽眼鏡實屬無可厚非，但你可能試過大汗淋漓嘅時候，眼鏡太重不停跣落嚟好唔方便。NAUTICA今季推出嘅太陽眼鏡，除咗夠輕外，更新增其他效能，啱晒夏天佩戴。
記者：張穎倫 攝影：林栢鈞
NAUTICA最新推出嘅太陽眼鏡，除咗注入橡膠嘅防滑鼻墊同彎曲型鏡臂嚟增加防滑效能外，更採用Trogamid超輕纖維作為質料，令整副框架只有2克重，戴上後特別穩陣。
同樣都係採用Trogamid嘅超輕纖維製造，不過鏡臂改用更Colourful嘅檸檬黃，最襯夏天嘅陽光氣息。值得一讚係Trogamid除咗夠輕之外，而且具有彈性，戴上後零舍貼面。
呢副太陽眼鏡雖然唔係採用超輕纖維製造，但就採用防碎纖維嘅8彎偏光薄膜鏡片，有效令視野更加清晰。鏡片除咗唔反光，重係100%防紫外光，至啱夏天揸車、出海時佩戴。
各大眼鏡店有售
查詢電話：28146688