炎炎夏日無胃口，我肥師奶建議大家可以食啲帶辣嘅菜式，有助增加食慾。食子薑係唔錯嘅選擇之一，子薑辣味無辣椒咁重，唔受得辣嘅我都接受到，食子薑除咗醒胃之外，重好有益，驅寒暖胃，寒底子人士更加啱食。
子薑每年六至八月至容易搵到，現時大部份菜檔有出售。子薑肉質嫩滑爽口，配任何肉類炒食，有增添餸菜鮮香味，亦令食慾大增。
$8-$9/斤
菜檔有售
黃汀其實係石斑魚其中一種，叫做六帶石斑魚，佢身上有六條暗褐色橫帶，排列整齊好易認。呢個時間有比較多黃汀出現魚檔，養魚同海魚都有，海魚顏色較鮮明，養魚就較暗，食味當然海魚較佳，但養魚蒸時注意時間都可以蒸得嫩滑嘅。呢種魚通常見到都係一斤左右，唔太大條，一家食最好。
約$86/斤
各大魚檔有售
天時暑熱，最啱就係做沙律，有時用到啲罐頭粟米又或者水浸橄欖，如果只係用一兩湯匙嘅份量，唔想攞個大筲箕來隔水咁麻煩，可以用呢隻細細嘅有窿鋼匙，直接將要用嘅份量舀出，非常方便就手。
$10/隻
銷售點：銅鑼灣Sogo十蚊店