經常穿梭中港兩地的朋友可能會用到中國飛線漫遊服務，但要自行飛線兼換卡，操作較繁複。最近，有間RedTelecom公司推出了一項智能漫遊綜合服務，一張SIM卡就有齊香港同國內兩個流動電話號碼（香港用SUNDAY網絡，國內則用中國聯通，但現時仍需用兩張SIM卡，預計於8月會免費替用戶由兩張SIM卡更換為一張SIM卡），於過境後中國飛線漫遊服務即時自動接駁，毋須人手飛線同換卡。
至於收費就同一般飛線漫遊服務一樣，例如去到深圳，接聽香港來電就收當地通話費加飛線漫遊費，接聽或打出當地電話就收當地通話費。不過，呢項智能漫遊綜合服務是以月費形式收費，當中有5個月費計劃已包括不同分鐘的中港共用通話分鐘，換言之，喺香港打電話當然用到月費所包括的通話分鐘，就算於國內打出或接聽電話，當地通話費亦可於通話分鐘內扣除，另外再加收省內漫遊費。而呢項漫遊服務還包括來電顯示、來電轉駁、短訊及秘書服務等。
記者：招佩珊
查詢熱線：27708077