八方噚日蕩咗去中環港外線碼頭，參觀港九小輪新啟用嘅四號渡輪碼頭，結果收穫好大，欣賞咗新遊河船「海鈴號」之餘，亦體會到特區新管治下富有官僚特色嘅「問而無責制」。
話說典禮現場，有位嘉賓，就係署理副運輸署署長李胡韋珞，八方見佢笑容可掬，走上前同佢打招呼；既然位居副署長，應該所有運輸事務都知，於是問吓佢對將軍澳巴士線票價嘅睇法；點不知佢講唔夠兩句，就話自己係管車輛牌照嘅，車票問題應該要問關於公共運輸嘅同事。八方一時都搞唔清，究竟官員署理上級職位，係求其幫人出席下啲公關活動，定係做嘢？
（圖）署理副運輸署署長李胡韋珞
傳真︰2623-9278
電郵︰