影帝周潤發平易近人，樂於參與公益服務，已是人所共知。但係，原來佢都好關心啲雙失青年。話說八方噚日同一大班行家喺西九龍嘅奧港城撞到發哥同發嫂，佢哋啱啱喺附近嘅超市買嘢，大家講起雙失青年。
發哥話，如果屋企家庭環境許可，應該畀啲仔女繼續學業，因為經濟咁差，好難搵到工，而年輕人又唔使咁急要搵嘢做。如果家庭環境唔許可，咁政府就應該考慮借錢畀佢哋升學。如果要出嚟搵食，後生仔就唔好咁計較工作性質同埋份人工，最緊要係吸收經驗及建立人際關係，因為出嚟社會做事要有經驗才有資本㗎！
最後，發哥語重心長咁話，由於大學生已經普及化，競爭多咗，所以奉勸即使係大學生都唔好對工作咁揀擇啦！
（圖）周潤發夫婦
傳真︰2623-9278
電郵︰