法國標緻206車系，在世界各地汽車市場大行其道，不僅三門GTi、五門Skyview嘅天幕版，又或者係電動硬摺頂嘅206CC開篷車，均受到車迷追捧。有見及此，早前廠方更於206車系當中，增添有全新SportWagon款式嘅206SW，而我哋《車天車地》版嘅特派記者，重有幸獲邀到法國作實地測試㖭！及後，亞Mark聽聞佢哋對部車嘅評價不俗，既有唔錯嘅操控性之餘，兼且部車重好有RV嘅實用性㖭！近期，亞Mark重收到風，話代理方面正計劃緊引入206SW嘅事宜，若然一切順利的話，相信呢款206車系嘅新品種，大抵可望於9月引入香港，屆時206嘅Fans就要記住去睇睇喇！