章小蕙日前委託律師向裕泰興財務提出分五年攤還二百五十萬，以抵銷其欠下的二億五千萬。裕泰興的董事總經理羅守耀昨日接受本報電話訪問時說：「我哋係收咗章小蕙有關嘅方案，其實我哋𠵱家同章小蕙打緊官司，要佢還錢，如果我哋接受佢嘅還款方案，會撤回控訴，但至今日為止，我哋未有撤回控訴嘅打算。」
昨日下午一時，章小蕙去了Boffy的髮型屋理髮，然後再到世紀廣場化妝才返時裝店，而她做完東風電視台訪問後，跟在門外守候的記者說：「三十萬打官司嘅律師費，我一半都未籌到，今日開始我啲衫會三折清貨，希望快啲籌夠錢。」
至於章小蕙日前開記者會數臭前夫鍾鎮濤，她說：「有啲人要攞同情分，踩多我兩腳，我先開記者會啫，為咗博同情插多我兩刀，我覺得冇咁嘅需要，我哋之間一早畫上句號，當初喺律師樓，都講咗話唔好喺傳媒面前講對方啦！𠵱家我發洩咗出嚟，心情好咗好多。」
採訪：林妙萍
攝影：林德雄