佘詩曼最近成為卓悅纖體代言人，一向惜肉如金的她，昨日不惜以性感裝束出席宣傳活動，更展露出曾穿臍環的疤痕。不過佘詩曼如此一露，就令她賺到七位數字的酬勞，其中更包括過百萬的鑽飾。
佘詩曼（阿佘）昨日以卓悅纖體代言人的身份，出席在日航酒店舉行的宣傳活動，更罕有地在同一活動上以兩套性感裝束示人，刻意展示其二十二吋的小蠻腰，而且更展露了肚臍上曾穿臍環的痕迹。阿佘今次雖然要作性感打扮，不過可以賺到七位數字酬勞，其中更包括一套四十三卡過百萬的鑽飾。
阿佘自言不習慣今次的性感裝束，她說：「件粉紅色top同埋白色短裙原本係安排喺泳池着，但咁啱又落雨，喺泳池嘅環境會令我覺得舒服啲，不過今日點都要請大家食冰淇淋，而且重係夏天，都冇咁奇怪嘅。不過自從選完港姐之後，𠵱家係第一次有二十二吋腰。」
一向形象斯文的阿佘表示，肚臍上的臍環窿乃讀書時期所穿，她說：「個臍環係喺瑞士讀書嗰時穿嘅，因為太耐冇戴過，已經密咗。」
在昨日的宣傳活動上，王喜及馬德鐘一同擔任特別嘉賓支持阿佘，王喜說：「佢真係成條美人魚咁，要我呢個烈火英雄嚟救火。」而馬德鐘則替阿佘加冕，並送上用朱古力做的權杖，馬德鐘說：「阿佘簡直係新一代靚嘅指標，就算食朱古力都咁弗啦！」
探訪：卓美娟攝影：羅德光