有人辭官歸故里，有人漏夜趕科場。八方昨日聽到兩個關於銀行界人事變動的消息。首先是行會成員梁振英（圖），佢昨日被新加坡發展銀行集團委任為非執行董事，成為首位港人出任該職。該銀行係新加坡政府任大股東的銀行，梁氏今次可以做兩地嘅金融發展橋樑。知情人士話此舉反映新加坡發展銀行相當重視大中華區嘅發展，佢哋重會喺今年十月首次專程來港舉行集團董事局會議。
另一位則係極受電子傳媒歡迎嘅美國運通銀行香港區行長曾慶璘，上周突然以私人理由辭職。銀行界亦感到突然，市場傳言佢離職嘅理由版本甚多，有傳佢係因為在工作上與美國運通高層有好大分歧，亦有傳美國運通銀行及美國運通卡正合併重組，一山不能藏二虎，美國運通卡嘅副總裁兼香港總經理高頌賢將會升任為香港區行長，曾氏只好另謀高就。無論係點，商場一向就係音樂椅遊戲，轉來轉去，不足為奇。
傳真︰2623-9278
電郵︰