正當行政長官董建華在立法會中高唱要改善行政立法關係之際，將自己定位為立會在野黨的民主黨主席李柱銘卻反其道而行，認為身為議員不應常將改善與政府關係掛在口邊，因為市民選他們出來，是希望他們監察政府，而非大搞「關係」，他說：「唔通要我哋日日搵政府官出嚟打麻雀，日日輸錢畀佢哋咩！」
特首推出問責制差不多一個月，李柱銘對部份「新丁」局長評價甚高：「唔可以對新部長太苛求，要畀啲時間佢哋，我感覺得到佢哋𠵱家重係好興奮，佢哋係有心去搞好香港！」至於哪一位局長可以最快取得表現，他坦言最重要是看「董先生肯唔肯放權畀佢哋。」但李柱銘相信環境運輸及工務局局長廖秀冬應該可以幹出一點成績：「佢熟悉環保，搞好環保又好聽，董先生會畀權佢搞！」他又認為何志平負責的民政事務局其實是最難應付：「嗰啲國際人權條約條文好複雜，我都睇到頭暈！」
他指出就算局長有心搞好香港，但由於問責制本身已經是漏洞百出，好像沒有署任制，局長放假要由其他人兼任，就是一個未經深思熟慮的做法，他說：「若果有大件事發生，議員要追究，係咪個兼任局長負責？」他形容問責制根本是一部「未調校好的新車」，匆匆將它開出馬路，自然「遲早出事」！他認為特首早應將問責制押後到明年一月才推行。
雖然中央讚揚董建華成功落實了「一國兩制」，但李柱銘卻批評董建華根本連「一國」也搞不成，他說：「你話一國，咁為乜重有一班好似我咁樣嘅中國人返唔到中國大陸？」他批評董建華不搞好「一國兩制」，台北政府更加不會接受。
記者：陳慧兒、莫劍弦