賭王何鴻燊同親妹十姑娘搞到要對簿公堂，呢單嘢睇嚟有排搞。噚日賭王千金何超瓊去咗銅鑼灣維景酒店嘅開幕禮，俾大班記者追問對呢單case嘅睇法，超瓊話：「呢件事已經搵咗律師去處理，我覺得冇需要同公眾交代，而且同你哋講都冇乜意義。」問佢賭王同親妹搞到對簿公堂，係咪唔係幾好？超瓊就話：「我個人梗係覺得唔好啦，但係呢件事我又冇能力去化解，加上當事人（指十姑娘）對成件事有誤會，如果係要以法律先可以解決嘅，我都冇嘢可講。」
十姑娘入稟控告賭王，其中一項係話超瓊喺澳娛所持嘅股份不足，未夠資格做澳娛董事，超瓊話：「我相信十姑娘係對事唔係對人，我唔覺得佢針對我。」
（圖）何超瓊 黃文成攝
傳真︰2623-9278
電郵︰