雖然只係去過巴黎同加州迪士尼，但每次去到都一樣興奮，縱使年事已近三張，然而一張孩子臉嘅我仍保留着一滴童真，仍渴望再次踏上樂土，似乎亦只有這裏才可聽到發自內心嘅歡笑聲！踏入穿上泳衣熱褲嘅季節，全球四大迪士尼亦有新搞作，推出不同夏日勁玩活動，若果你同我都有僅餘嘅盤川，唔好諗太多，玩咗先算啦！
記者：朱維達
為紀念迪士尼始創人華特平}士尼，佛羅里達州的迪士尼世界已率先推出百年神奇(100YearsofMagics)慶祝活動，由現在至12月31日，你都可以在東岸迪士尼世界中發掘多種為紀念此活動而展開的大巡遊、機動遊戲及觀光點。
由百年神奇衍生的設施及活動包括華特平}士尼：其人其夢多媒體展覽館、迪士尼明星與古董車大遊行、阿拉丁魔氈遊樂設施、史前旋轉──由四輛旋轉車組合而成的極速機動遊戲，都是百年神奇的主打項目。
當然，不得不提的就是世界最大的魔法帽！正正於米高梅影城大門對着中國戲院的位置，由米奇老鼠戴着的白手套，托着有十二層樓高的永久地標，是遊客必到的影相位置，勿以為只是大帽咁簡單，帽上的星星會隨住時間而改變，由白天的深藍色轉變為夜晚的深紫色，至於兩個大耳朵則配以奇幻的燈光效果，並不時發出亮光粉塵，夜晚時分特別璀璨，加上定時發放煙花，此情此景怎可不來一個擁吻？
重點玩意
超過一百個卡通人物會聯同十五架古董車一齊出席是次盛會（表演時間可於入口處取得之小冊子或循以下網址獲知），而且這些古董車更會被裝扮成各個卡通人物，例如大家都熟識的花木蘭、阿拉丁、大力士等，加上表演者即場邀請圍觀的遊客參加遊行，實行與眾同樂。
這個非一般的機動遊戲絕對是推介之列，利用彎道、俯衝路軌，將四輛旋轉車的刺激度發揮至極限，而且迂迴曲折的路軌上配以恐龍骸骨做裝飾的穿越時空的概念，成為園內機動遊戲中的生力軍，不過旋轉車啓動後，經歷過數分鐘的驚喜，似乎亦無閒欣賞其他裝飾物。
WaltDisneyWorldResort
地址：P.O.Box10.040,LakeBuenaVista,FL32830
電話：（1）407-9347639
網址：
巴黎DisneylandResortParis
無論你有無童真，無論你係被迫同女友去抑或仔女嚷着去迪士尼，每次到此一遊都會有驚喜！正當上次去參觀晚黑嘅大巡遊，望住又係花木蘭做Show、心裏真的有多少怨言之際，現在巴黎迪士尼已經大換血！全新慶祝10周年的大巡遊活動已經派上台，睇Show啦！
3層樓高蛋糕慶祝
生日又點可以無蛋糕？TheWonderfulWorldofDisneyParade巡遊行列中真係整咗個蛋糕，重要有成三層樓高，都咪話唔誇張！廚師更會沿途派發糖果，小朋友就最開心啦！
每日舉行大巡遊
只可以喺巴黎迪士尼樂園搵到嘅大巡遊TheWonderfulWorldofDisneyParade，現在至8月4日每日都會喺MainStreet上演（表演時間可以參考左列網址），各迪士尼經典人物都會出場，就如圖中嘅木偶奇遇記。
DisneylandResortParis
地址：77777Marne-la-ValleeFrance
電話：（33）1-60306030
網址：
東京TokyoDisneyResort
雖然未能趕及到訪東京迪士尼樂園，但單單看最新鮮熱辣嘅夏日大遊行相片已相當吸引！剛於本月8日開始的「唐老鴨的超級戲水樂」正係消暑秘方！一直至9月30日，唐老鴨會邀請米奇、美妮、高飛等一眾朋友乘坐不同類型的花車巡遊，但要小心，搞鬼嘅唐老鴨會隨時做出令人意想不到嘅動作，弄至閣下濕身收場！
另一個值得推介嘅活動當然係電子大遊行夢之光！全長700公尺的遊行隊伍以逾100萬個燈泡將整個原本漆黑嘅迪東京迪士尼樂園照得通亮！小熊維尼與夥伴們、蟲蟲危機、玩具總動員等迪士尼的新明星們亦加入巡遊行列，你不妨先瀏覽以下網址，查詢有關遊行時間表，再決定你當日迪士尼之旅行程安排！
TokyoDisneyPark
地址：千葉縣浦安市舞浜1-1
電話：（81）47-3540001
網址：
出門提一提
簽證：持BNO、特區護照或CI者遊美國均須簽證。電話：25239011（美國領事館）
持特區護照者遊法國免簽證，BNO、CI持有人則須簽證。電話：31966100（法國領事館）
持BNO、特區護照或CI者遊日本均須簽證。電話：25221184（日本領事館）
機票：乘坐聯合航空經芝加哥轉機往奧蘭多，票價$11,280（2個月有效期）。電話：21088111（康泰旅行社）
乘阿聯酋經杜拜前往巴黎，票價$6,900（45日有效期）。電話：28453232（專業旅運）
乘全日空前往東京，票價$3,780（17日有效期）。電話：23152035（東瀛遊）
鳴謝：WaltDisneyWorldResort、DisneylandResort、DisneylandResortParis、TokyoDisneyResort、(c)Disney