失業、喪妻、兒子輟學等等迫人問題，連月來深深困擾着父兼母職的阿忠。「太太出事初期自己個心亂晒籠，冇心機開工，呢排心情好番啲但又搵唔到工，惟有同個仔攞住綜援先，但呢個始終唔係長久之計。」原職地盤散工的阿忠說。
阿忠五十一歲妻子阿青，多年前患精神病，情緒經常波動，月前她突然在家自縊身亡，三十載夫妻情告終，阿忠悲慟不已。其心情近日稍稍平復，惟卻要為搵工及兒子前途擔憂。他稱，就讀中一十六歲幼子阿榮，年前隨母由內地來港定居，成績一向平平，近日已決定放棄升讀中二。
「佢好乖仔、好聽話，不過就唔係讀書材料，我都唔敢迫得佢太緊要，萬一佢學佢阿媽去做儍事咁點算？遲啲或者叫佢搵啲嘢學吓。」五十歲的阿忠無奈地說。他尚有一對分別二十七歲及二十五歲子女在鄉間汕尾生活。
蘋果日報慈善基金日前轉交善長捐款合共二千一百八十元予阿忠簽收，他一臉感激地說：「唔該你幫我多謝讀者，佢哋嘅好意我呢世人都會記喺心入面。」 捐款編號：C0505
暖流熱線
電話:29908688
傳真:23702192
電郵:
網址：