香港經濟咁差，識唔識講普通話已經升至有冇前途嘅層面。噚晚文化中心有個「學界中華文化匯演晚會」，由普通話教師學會同中華文化總會主辦。中聯辦副主任王鳳超，主禮時都不忘忠告香港青少年，淨係識講粵語遠遠不夠，「學好普通話，走遍全國都不怕」，先可以開拓新天地。立法會主席范徐麗泰更誇張，話「學好普通話，走遍全球都不怕」！
王主任同范太講普通話揮灑自如、連稿都唔使睇，新任民政事務局局長何志平就差得遠，致辭時照稿讀都窒吓窒吓。何局長事後好坦白咁同八方講，自己冇正式學過普通話，自認講到「LurLur脷」。佢太太胡慧中出生台灣，講得一口流利國語，何局長話識咗太太先知自己講得差，好彩得太太悉心教導，希望將來進步得快啲咁話。
傳真︰2623-9278
電郵︰