香港人生活緊張，所以唔少人都會養電子寵物調劑一下。若然你覺得AIBO太大隻、他媽哥池又太Out的話，呢10款最新推出嘅MicroPets相信會啱你！佢只有吋半高，有齊小狗、貓貓、熊仔、小精靈同怪獸，絕對是電子寵物界的新寵兒。
記者：張穎倫 攝影：伍慶泉
ImageGirl：Phoebe
MicroPets除咗識聽你指令向前、轉左、轉右、雙眼發光同發出叫聲等基本動作之外，更可以幾隻走埋一齊大合唱，比一般電子寵物更多嘢玩。
咪以為佢係你嘅寵物就可以隨便呼喝，如果你不停命令佢、煩住佢，又或者長時間唔理佢，佢就會唔睬你調頭走，打鼻鼾或者大哭一場，勁有性格。
真正嘅寵物唔適宜帶番公司，但每隻MicroPets就設有頭頂開關掣，隨時都玩得，唔怕俾老細發現。而且每次開動同關機時都識同你SayHello同講再見，夠晒體貼。
售賣點：
玩具反斗城（28811728）銅鑼灣皇室堡3樓