悠長的暑假經已展開，不少家長早已為子女安排好連串精采活動，但對於許多三餐未得溫飽的貧困兒童來說，往往只有羨慕的份兒。蘋果基金「童夢成真」行動，特別撥款舉辦「暑期活動我有份──東平洲生態遊」，讓清貧學子也有機會享受益智又好玩的一天，現正公開接受報名。
「我睇教育電視介紹過東平洲，覺得嗰度好靚，好想親眼去睇；知道嗰度有個好大嘅沙灘，啲岩石唔同形狀，好得意吖！」九歲的姊姊阿麗興奮地說。
充滿好奇心的七歲妹妹阿儀，急不及待嚷着：「我哋幾時去東平洲？我估嗰度有好多釣魚嘅地方，好想睇吓啲岩石係點樣。」
小姊妹的父親崔松苟，去年因為趕送愛心飯盒給兩名女兒，途中不幸遇上車禍去世，遺下孤寡三口，靠綜援金維生。每逢假日，他們大多留在家中，或到附近的公園逛逛。
「以前丈夫喺度嘅時候就話靠佢帶啲細路周圍去，𠵱家都唔知靠邊個？每次去街要搭車又要買嘢食，真係唔捨得使錢，今個暑假有機會去東平洲見識吓，真係好開心！」來港兩年，雙眼泛紅的崔太說。
另一位清貧學童鍾澤蘭，聽到有機會到東平洲一遊，即時歡呼尖叫。「好嘢，放咗咁耐暑假，媽咪都冇帶過我去街，好開心呀！」
暑假後將升讀小二的阿蘭，出身於貧困家庭，父親中風住在安老院，她與母親及兄長一度棲身破舊村屋，三口靠微薄綜援金生活，日子捉襟見肘。「𠵱家佢爸爸住嘅老人院，每個月都要喺我哋三仔乸份綜援貼幾百元，仔女返學嘅車費又貴，唔慳點得吖。」鍾母無奈地說。
為了減省開支，阿蘭平日幾乎足不出戶，連學校的旅行及課外活動也從未參與。「平時同學成日講去邊度玩，我都冇得講，今次我可以話畀佢哋聽，我去過東平洲，睇過珊瑚。」阿蘭喜孜孜地說。
由蘋果基金「童夢成真」行動、聖雅各福群會及生態教育及資源中心合辦的「暑期活動我有份——東平洲生態遊」，象徵性收費十元，讓貧困、弱勢家庭可以放眼世界，認識自然的生態環境，將介紹東平洲的生活文化及歷史、觀賞珊瑚群及海岸生態等。凡符合資格的家庭，請填妥報名表（圖），並寄回上址。
暖流熱線
電話：29908688
傳真：23702192
電郵：
網址：