今日我會同大家講吓點樣催財，𠵱家經濟不景，擺吓簡單嘅風水陣雖然唔可以即刻發達，但唔多唔少都有啲幫助。正所謂「錢財雖係身外物，冇咗佢又唔得」吖嘛。
想催財，喺大門口位擺一棵水種植物，或者擺一缸魚，總之有生命有水就得，但記住一定要係真嘢，電子風水魚唔得㗎。
另外喺間屋嘅財位（詳情見噚日刊登嘅表）擺大葉植物，size唔使好大，但啲葉要大塊啲，即係圓形葉，亦可以擺錢箱，放多啲散銀，就可以聚財。好似黃卓玲間屋大門向東北，財位就喺正西嘅主人房位。如果屋企大門對住個窗，就會漏財，但可以放一棵高而且多葉的植物擋漏財。
（五之二）
口述：蘇民峰 筆錄：張止寒
攝影：馬啟然 住宅提供：黃卓玲