李澤楷又搵到高手加盟，今次係響地產界及娛樂圈皆有名氣嘅信和置業執行董事李智康，佢會喺月底加盟。
一路以通訊生意及電子商貿為主的電盈，何解會搵個地產界猛人加盟？聽講話係因為集團嘅物業投資組合將愈來愈大，況且數碼港項目住宅部份亦會喺明年開始預售，李澤楷好關心個盤嘅銷路，加上早輪集團又透露正研究重建旗下部份機樓，自然要搵一個重磅人物幫手。
李智康在信和賣樓賣到出晒名，又識搞宣傳，以具市場觸角見稱，自然成為招攬對象。聽講為咗示其重要性，電盈特登喺原基建部門增設一個主席職位畀佢。八方向集團首席副總裁梁胡雪姬求證，佢證實李智康將加盟集團出任高職，但具體詳情要稍後才可透露。
（圖）李智康（右四）早前推銷帝柏海灣時，請來模特兒助陣，可見其甚懂搞宣傳。
傳真︰2623-9278
電郵︰