做得行政會議成員，個個都非富則貴，官守嘅成員自不然有AM車服侍，其他大部份成員都有私家車接送，除咗工聯會嘅鄭耀棠。原來棠哥次次都係逼巴士過嚟中環開行政會議，認真「草根」。
八方記得上屆行會嘅工聯會代表譚耀宗雖然唔駕車，但就有司機幫佢揸。棠哥就好唔同，由於佢無車，所以要由工聯會進行分配，如果分唔到，佢就要六、七點起身搭巴士開行會。棠哥話，其實搭巴士都好，因為佢會聽到好多市民投訴，從而了解佢哋嘅需要。但有得必有失，皆因咁就無得趁機小休一陣嘞。
（圖）鄭耀棠不愧是工人階級出身，貴為行會成員，仍以巴士代步。
傳真︰2623-9278
電郵︰