今日七月二十二號星期一，農曆六月十三，係大日子。呢一日出生嘅人，好叻。有乜例子？以前有魯班師傅，𠵱家就有李嘉誠。
李嘉誠生於二八年七月二十九日，農曆就係今日，屬龍。佢嘅生日好重要，因為關係長江和黃系股價嘅上落。
八方記得兩年前，北角金城銀行內有兩位股民，討論長江股價，當日長江急升至八十九元，其中一位股民話因為該日係李嘉誠生日，所以實升；另一位股民搭訕，話對方唔識股票，語出譏諷，結果大打出手，搞到上差館。當年李嘉誠生日，賀禮之一係支兩呎長的長白山野山參王，阿澤楷亦提早收工去陪阿爸食飯。今日唔知有乜嘢活動呢？
除咗李超人，中國大書法家啟功先生亦生於六月十三日，新曆係一九一二年七月二十六號。
傳真︰2623-9278
電郵︰