鮑魚煲湯可增加湯水鮮甜味，煲過湯後又可將其切片食用。但乾鮑要數百至千元不等，未必人人食得起。經濟啲嘅急凍鮑可以滿足吓口感但又唔使太多錢。嚟自智利嘅急凍鮑魚，每包內約有9隻鮑魚，共重約500克，原價$114，現特價$92一包至本星期三，趁手入定貨啦。
女人最痛苦除咗生仔之外，相信就係月事嘅來臨，肚痛楚嘅程度因人而異，輕則微微痛，重則痛至標冷汗。以我經驗，喺經期嚟前一、兩個星期，連續飲用以益母草煲嘅湯水，可減輕來經時嘅痛楚，益母草功效治經痛。
新鮮貨唔係常有，造期好短，六、七月係佢產期，過咗都幾難搵，提提大家已經到造尾，要買快手。一紮大概有一斤重，賣$10。
文：肥師奶